[100%] 
من طرف ابن الملك الخميس يناير 26, 2012 2:34 pm الأوفرتيرة
تقدم الاوفرتيرة لإلقاء نظرة عامــــة علي المسرحية
" يظهر بطل المسرحية "
يعقوب : الشر في قلبي ملا الكون ... والدنيا اظلمت ومحتاج لقلب حنون .. لكن كيف وأنا اختارت خلاص سكة عتمة والخطاوي فيها رصاص المال خلاني ليه عبد أسير في قيوده ماشي ومش قادر اطير
ملاك 1 : انت اللي اختارت السكه دي وفضلت فيها متمادي تارك الخير والمحبه وراك وعدو الخير علي فعله قواك
ملاك 2 : لكن رغم العتمة في نور يلمس قلبك يخليه مسرور شايف إلهك .. أهو مستنيك ارجع له .. الفرصة في ايديك
ملاك 3 : خروف تايه محتاج إرشاد لكن حب المال عماك زين ليك الخطية جواك وخلي ثوب الشر غطاك
ملاك 4 : سما مفتوحة وليك بتنادي إرجع يللا لحضن الفادي وافتكر ربك لما قال " لا تقدر أن تخدم الله والمال "
تقال ترنيمة " شهوة قلب "
* المشهد الاول *
* يبدأ المشهد الاول ويظهر الاب والام يتحدثان *
الاب : مش عارف أقولك ايه ياأم سمعان .. أنا غلطت ولا لاء لما دخلت الولاد سمعان ويعقوب الجامعة
الام : ليه كده يا أبو سمعان .. داعيالك رافعين رأسك وسط الناس .. ولا أدبهم وأخلاقهم الكل عيتحاكي بيهم وعيضربوا بعالك المثـــــــــــل
الاب : الكلام ده لو كنت سايب ليهم حاجه كبيرة يتسنوا عليها , وأديهم اتخرجوا وخلصوا كلياتهم وقاعدين في البيت لاشغلة ولا مشغلة .. واللي حليتنا 5 قراريط وهم ملهومش في الزرع ولا القلع ..وانا بكرة لما أموت مش عارف هيروحوا فين ؟!
الام : بعد الشر عليك يا أبو سمعان .. ربنا يخليك لينا ده كفاية حسك في الدنيا .. دا احنا من غيرك منساويش حاجة .. دا أنت الكل في الكل .. والعيال اهم عيخدموا في الكنيسة في بيت ربنا واهو قدامك سمعان ومريم معيهملوش الكنيسة واصل
الاب : أيوه انتي فكرتيني بمريم .. مش عارف أنا ظلمتها ولا لاء . لما خليتها تاخد حتة دبلون لا راح ولا جه وهي عتحب العلام بس أعمل ايه ما هي عوايد بلدنا كده
الام : يووه .. وهي البت أخرتها ايه غير بيت جوزها مهما اتعلمت .. واحنا صعايدة عوايدنا كده .. والبت راضية ومتكلمتش وعمرها ما عصت ليك أمر
الاب : الدور والباقي علي يعقوب ..من يومه وهو طالع معيبطلش طلبات عمال علي بطال .. ومضيع الفلوس في حاجات ملهاش فايـــــــده .. واصحابه هيودووه في داهيــــــــه ومفيش حاجه نافعة معاه واصل
الام : متقولش كده .. ده بس هو علشان أخر العنقود .. وادلع شويه .. لكن برضه ميقدرش يخرج عن طوعك
الاب : ألا قوليلي هم فين أنا مش سامع ليهم حس هم راحوا فين مفيش حد في البيت إياك
الام : سمعان راح مع أبونا علشان يجمعوا التبرعات للفقرا ومريم في الكنيسة عشان حصة مدارس الاحد ويعقوب اهو نايم مصيحيش من صباحية ربنا
الاب : عتقولي ايه نايم لحد دلوقتي بس حتي لو صحي هيروح فين خليه نايم وربنا يقدم اللي فيه الخير
" تدخل مريم "
مريم : مساء الخير عليكم عاملين ايه ؟!
الاب : ازيك يا بتي اتأخرتي ليه مهرفاش اننا عنقلقوا عليكي
مريم : وانا هروح فين يا بوي ما أنا كنت في الكنيسة وبعدين ما أنا من الكنيسة للبيت ومن البيت للكنيسة يعني هروح فين
الام : ربنا يبارك فيكي يا بتي ويديكي علي كد تعبك وطيبة قلبك ويديكي علي كد ما عتخدميه وتخدمي بيته
مريم : ايوه ايوه يا أمي انا كنت محتاجة دعواتك دي ربنا يخليكي لينا ي ست الحبايب انتي وابوي دا ربنا وصانا بيكم لما قال : " أ:رم اباك وامك لكي تطول ايامك علي الارض " وبعدين دا أنا معايا أسن اب وام في الدنيا
الاب : ايوه ايوه ما انتي دايما تاخدينا في الكلام وانتي حد يقدر عليكي واصل انتي يا للي كلامك زي السكر
" ثم يدخل سمعان "
سمعان : ايه ده كله ايه ده كله لمين كل الدعوات الحلوة دي كلها واحنا ملناش نصيب ولا ايه ؟!
الاب : طاب قول مساء الخير الاول
سمعان : يا سلام مساء الخير يا بوي مساء الخير يا أمي
الام : مساء النور يا ولدي , ربنا ينورلك طريقك
مريم : ايه هو عيد الدعوات النهارده ولا ايه فين يعقوب علشان ينوبه من الحب جانب أكيد نايم يا مع صحابه
سمعان : عندك حق ده حتي أصحابه سألوني عليه دلوقتي شوفيه يا مريم خليه ييجي يقعد معانا شويه هو هيفضل نايم علي طول ولا ايه
مريم : حاضر هشوفه بس يارب ما يزعقش فيا زي عوايده أنا عارفاه لو حد صحاه يبقي ما طايقش نفسه
الاب : انا مش عارف الواد ده طالع لمين دا محدش عيعمل عمايله دي واصل هو ايوة فلح في العلام بس الادب فضلوه عن العلم
سمعان : يا بوي ده طيش شباب وبكره هيعقل ما انت عارف قلبه طيب
الام : طاب حتي ابقي خده معاك يا سمعان في الكنيسة يمكن ربنا يهديه
سمعان : حاضر دا انا اتمني بس هو يوافق ييجي معايا يخدم في الكنيسة
مريم : تعالي ادخل يا يعقوب تعالي اقعد معانا شويه
" يدخل يعقوب "
يعقوب : يعني كان لازم تصحوني اديني صحيت هروح فين دلوقتي
الاب : ايه يا واد انت محدش مالي عينك ولا ايه وبعدين ايه الكلام ده اللي عامل زي الطوب ما تحترمنا شويه وداخل كده كأنه مفيش ناس لا مساء الخير ولا اي حاجه هو ده اللي اتعلمته
يعقوب : يوه كل يوم كل يوم هنسمعوا الاسطوانه دي هو مفيش غيري في البيت ولا ايه وبعدين محدش قال لكم تصحوني
انتظرونا في باقي المسرحية قريباً ...
تقدم الاوفرتيرة لإلقاء نظرة عامــــة علي المسرحية
" يظهر بطل المسرحية "
يعقوب : الشر في قلبي ملا الكون ... والدنيا اظلمت ومحتاج لقلب حنون .. لكن كيف وأنا اختارت خلاص سكة عتمة والخطاوي فيها رصاص المال خلاني ليه عبد أسير في قيوده ماشي ومش قادر اطير
ملاك 1 : انت اللي اختارت السكه دي وفضلت فيها متمادي تارك الخير والمحبه وراك وعدو الخير علي فعله قواك
ملاك 2 : لكن رغم العتمة في نور يلمس قلبك يخليه مسرور شايف إلهك .. أهو مستنيك ارجع له .. الفرصة في ايديك
ملاك 3 : خروف تايه محتاج إرشاد لكن حب المال عماك زين ليك الخطية جواك وخلي ثوب الشر غطاك
ملاك 4 : سما مفتوحة وليك بتنادي إرجع يللا لحضن الفادي وافتكر ربك لما قال " لا تقدر أن تخدم الله والمال "
تقال ترنيمة " شهوة قلب "
* المشهد الاول *
* يبدأ المشهد الاول ويظهر الاب والام يتحدثان *
الاب : مش عارف أقولك ايه ياأم سمعان .. أنا غلطت ولا لاء لما دخلت الولاد سمعان ويعقوب الجامعة
الام : ليه كده يا أبو سمعان .. داعيالك رافعين رأسك وسط الناس .. ولا أدبهم وأخلاقهم الكل عيتحاكي بيهم وعيضربوا بعالك المثـــــــــــل
الاب : الكلام ده لو كنت سايب ليهم حاجه كبيرة يتسنوا عليها , وأديهم اتخرجوا وخلصوا كلياتهم وقاعدين في البيت لاشغلة ولا مشغلة .. واللي حليتنا 5 قراريط وهم ملهومش في الزرع ولا القلع ..وانا بكرة لما أموت مش عارف هيروحوا فين ؟!
الام : بعد الشر عليك يا أبو سمعان .. ربنا يخليك لينا ده كفاية حسك في الدنيا .. دا احنا من غيرك منساويش حاجة .. دا أنت الكل في الكل .. والعيال اهم عيخدموا في الكنيسة في بيت ربنا واهو قدامك سمعان ومريم معيهملوش الكنيسة واصل
الاب : أيوه انتي فكرتيني بمريم .. مش عارف أنا ظلمتها ولا لاء . لما خليتها تاخد حتة دبلون لا راح ولا جه وهي عتحب العلام بس أعمل ايه ما هي عوايد بلدنا كده
الام : يووه .. وهي البت أخرتها ايه غير بيت جوزها مهما اتعلمت .. واحنا صعايدة عوايدنا كده .. والبت راضية ومتكلمتش وعمرها ما عصت ليك أمر
الاب : الدور والباقي علي يعقوب ..من يومه وهو طالع معيبطلش طلبات عمال علي بطال .. ومضيع الفلوس في حاجات ملهاش فايـــــــده .. واصحابه هيودووه في داهيــــــــه ومفيش حاجه نافعة معاه واصل
الام : متقولش كده .. ده بس هو علشان أخر العنقود .. وادلع شويه .. لكن برضه ميقدرش يخرج عن طوعك
الاب : ألا قوليلي هم فين أنا مش سامع ليهم حس هم راحوا فين مفيش حد في البيت إياك
الام : سمعان راح مع أبونا علشان يجمعوا التبرعات للفقرا ومريم في الكنيسة عشان حصة مدارس الاحد ويعقوب اهو نايم مصيحيش من صباحية ربنا
الاب : عتقولي ايه نايم لحد دلوقتي بس حتي لو صحي هيروح فين خليه نايم وربنا يقدم اللي فيه الخير
" تدخل مريم "
مريم : مساء الخير عليكم عاملين ايه ؟!
الاب : ازيك يا بتي اتأخرتي ليه مهرفاش اننا عنقلقوا عليكي
مريم : وانا هروح فين يا بوي ما أنا كنت في الكنيسة وبعدين ما أنا من الكنيسة للبيت ومن البيت للكنيسة يعني هروح فين
الام : ربنا يبارك فيكي يا بتي ويديكي علي كد تعبك وطيبة قلبك ويديكي علي كد ما عتخدميه وتخدمي بيته
مريم : ايوه ايوه يا أمي انا كنت محتاجة دعواتك دي ربنا يخليكي لينا ي ست الحبايب انتي وابوي دا ربنا وصانا بيكم لما قال : " أ:رم اباك وامك لكي تطول ايامك علي الارض " وبعدين دا أنا معايا أسن اب وام في الدنيا
الاب : ايوه ايوه ما انتي دايما تاخدينا في الكلام وانتي حد يقدر عليكي واصل انتي يا للي كلامك زي السكر
" ثم يدخل سمعان "
سمعان : ايه ده كله ايه ده كله لمين كل الدعوات الحلوة دي كلها واحنا ملناش نصيب ولا ايه ؟!
الاب : طاب قول مساء الخير الاول
سمعان : يا سلام مساء الخير يا بوي مساء الخير يا أمي
الام : مساء النور يا ولدي , ربنا ينورلك طريقك
مريم : ايه هو عيد الدعوات النهارده ولا ايه فين يعقوب علشان ينوبه من الحب جانب أكيد نايم يا مع صحابه
سمعان : عندك حق ده حتي أصحابه سألوني عليه دلوقتي شوفيه يا مريم خليه ييجي يقعد معانا شويه هو هيفضل نايم علي طول ولا ايه
مريم : حاضر هشوفه بس يارب ما يزعقش فيا زي عوايده أنا عارفاه لو حد صحاه يبقي ما طايقش نفسه
الاب : انا مش عارف الواد ده طالع لمين دا محدش عيعمل عمايله دي واصل هو ايوة فلح في العلام بس الادب فضلوه عن العلم
سمعان : يا بوي ده طيش شباب وبكره هيعقل ما انت عارف قلبه طيب
الام : طاب حتي ابقي خده معاك يا سمعان في الكنيسة يمكن ربنا يهديه
سمعان : حاضر دا انا اتمني بس هو يوافق ييجي معايا يخدم في الكنيسة
مريم : تعالي ادخل يا يعقوب تعالي اقعد معانا شويه
" يدخل يعقوب "
يعقوب : يعني كان لازم تصحوني اديني صحيت هروح فين دلوقتي
الاب : ايه يا واد انت محدش مالي عينك ولا ايه وبعدين ايه الكلام ده اللي عامل زي الطوب ما تحترمنا شويه وداخل كده كأنه مفيش ناس لا مساء الخير ولا اي حاجه هو ده اللي اتعلمته
يعقوب : يوه كل يوم كل يوم هنسمعوا الاسطوانه دي هو مفيش غيري في البيت ولا ايه وبعدين محدش قال لكم تصحوني
انتظرونا في باقي المسرحية قريباً ...
